sut mae'n gweithio

gwell gyda'n gilydd

Gweithio gyda’n gilydd i greu dyfodol gwell i’n plant. Dyma beth rydyn ni’n ei wneud. Rydyn ni’n cefnogi’r plant maeth yn ein gofal, eu teuluoedd maeth a’r gweithwyr proffesiynol medrus sy’n gweithio gyda ni bob dydd.

Mae Maethu Cymru yn cynnwys pob Awdurdod Lleol yng Nghymru, yn cydweithio i gyrraedd yr un nod. Mae’n golygu 22 o sefydliadau nid-er-elw yn cydweithio. Dyma sut rydyn ni’n cynnig cymaint o gefnogaeth.

Mae popeth yn cael ei fuddsoddi’n ôl er mwyn i Maethu Cymru wneud popeth yn well. Rydyn ni’n rhoi mwy, lle mae ei angen fwyaf.

beth sy'n ein gwneud ni'n wahanol?

Dydyn ni ddim yn asiantaeth faethu gyffredin. Maethu Cymru yw’r cydweithrediad cenedlaethol sy’n cynnwys 22 o dimau maethu’r Awdurdodau Lleol yng Nghymru.

Rydyn ni’n edrych ar y darlun cyfan er mwyn gwneud y gorau i’r holl blant yn ein gofal, ac mae aros yn lleol wrth galon popeth rydyn ni’n ei wneud. Rydyn ni’n helpu i gynnal cysylltiadau pwysig plant – cyfeillgarwch, ysgolion, clybiau a chymunedau. Rydyn ni’n blaenoriaethu cadw plant mewn amgylchoedd cyfarwydd, yn yr ardaloedd lleol maen nhw’n eu hadnabod ac yn eu caru, pan mae hynny’n iawn iddyn nhw.

Mae’n bwysig bod plant yn cynnal eu hunaniaeth a’u hymdeimlad o’u hunain, a gallwn ni helpu gyda hyn wrth iddyn nhw aros yn lleol. Mae’n ymwneud â deall, gofalu a gwneud yr hyn sydd ei angen i bob plentyn.

Fel rhiant maeth gyda Maethu Cymru, chi sy’n gwneud hyn i gyd yn bosibl.